कंञ्चनपुर :
नेकपा एमाले निकट अनेरास्ववियु कञ्चनपुरले विद्यार्थीको माताधिकार सुनिश्चित गराउन ताला तोडेर समेत तयार रहेको जनाएको छ । आज एमाले पाटी कार्यालयमा स्ववियू निर्वाचन बारे पत्रकार सम्मेलन गर्दै अनेरास्ववियु कञ्चनपुरका अध्यक्ष कमल रोकाया बताए ।
पत्रकार सम्मेलनमा अध्यक्ष रोकायाले विद्यार्थीको हकहितका लागि अनेरास्ववियु सधै तयार रहेको समेत बताए । जिल्लाका १६ वटै क्यामपसमा संगठन दर्ता गराएर चुनावी संघारमा हिडेको बताए । ‘हामी त जिल्लाभरीका क्याम्पसमा चुनावी अभियानमा जुटेका थियौँ, ‘उनले भने, ‘सत्ताधारी दलकै साथिहरु धमाधम तालाबन्दी गर्दै हिडेका छन ।
अध्यक्ष रोकायाले काँग्रेस निकट नेवि संघ, माओवादी निकट अखिल क्रान्तिकारी, समाजवादी निकट सहितका विद्यार्थी संगठनले विभिन्न क्याम्पसमा तालाबन्दी गरेको भन्दै आपत्ति जनाए ।
Be the first to comment