कंञ्चनपुर पुस २० : दार्चुलाको शैल्यशिखर नगरपालिकाले एकै वर्षमा चार वटा वडा कार्यालयका भवन निर्माण गर्ने भएको छ ।
प्रदेश सरकारको समपुरक र नगरपालिकाको गरी कुल डेढ करोड बजेटमा चार वटा वडा कार्यालयका भवनहरु निर्माण गरिने शैल्यशिखर नगरपालिकाका प्रमुख प्रशासकीय अधिकृत सुरेन्द्र बहादुर बिष्टले जानकारी दिनुभयो ।
जसअन्र्तरगत यस वर्ष वडा नम्बर ३, ५, ७ र ८ गरी चार वटा वडाका भवनहरु निर्माण हुने उहाँले बताउनुभयो ।
नौँ वटा वडा रहेको शैल्यशिखर नगरपालिकामा वडा नम्बर १ र २ संग भवन रहेको छ । त्यस्तै वडा नम्बर ४ र ९ मा अगामी आर्थिक वर्ष भवन निर्माण गर्ने लक्ष्य लिइएको नगरपालिका ईन्जिनियर याेगश धामीले बताउनुभयो ।
यस्तै शैल्यशिखर नगरपालिकाको प्रशासकीय भवनको पनी निर्माण कार्य जारी रहेको छ । हाल शैल्यशिखर नरपालिकाले भाडाको घरबाट सेवा प्रवाह गरिरहेको छ ।
Be the first to comment