शैल्यशिखर ८ दार्चुला : दार्चुलाको शैल्यशिखर नगरपालिकाको प्रशासकीय भवनको निर्माणकार्य अन्तिम चरणमा आइपुगेको छ । २०८० असारबाट निर्माण सुरु भएको भवन अन्तिम चरणमा पुगेको हो । अबको एक महिनाभित्रै भवन निर्माण सकिने प्रमुख प्रशासकीय अधिकृत सुरेन्द्र बहादुर विष्टले जानकारी दिनुभयो ।
स्थानीय पुर्वाधार विभाग र शैल्यशिखर नगरपालिकाको साझेदारीमा कुल १० करोड १९ लाख ६४ हजार ३४२ रुपैयाँ लागतमा उक्त भवन निर्माण भइरहेको हो । दुई वर्षभित्रै निर्माण सक्ने गरी सम्झौंता भएको थियो । भवनमा रङ्गरोगन लगाउने काम भइरहेको छ । भवनभित्र यालिङ राख्ने तथा भवनको आगनमा सेलेट राख्ने कार्य चलिरहेको छ । झ्याल ढोका फिटिङ गर्ने काम भइरहेको छ । मङ्सिरमा नयाँ कार्यालयबाट सेवा दिने गरी निर्माण व्यवसायीलाई ताकेता गरिएको बिष्टले बताउनुभयो ।
Be the first to comment